ROXAS CITY – Kalabira na sang nasapwan sa katalunan ang isa ka surhano nga halos apat ka bulan na nga missing kag ginapangita sang iya nga pamilya.
Mahibaluan nga nakit-an sang duha ka mga lalaki nga nagapangahoy sa Barangay Damayan, Sapian, Capiz ang kalabira sang 53 anyos nga si Maria Bella Abdula sang Altavas, Aklan.
Sa nakuha nga impormasyon sang Bombo Radyo, sadtong Enero 7, sini nga tuig sang nagpadulong sa banwa sang Sapian ang ginang agud magtambong sa isa ka birthday party apang wala na ini nakapauli pa.
Suno naman kay Marcelino Paciano, live-in partner sang biktima nga naglaum ini nga nagbisita lamang ang ginang sa iya mga kabataan sa una nga asawa sa nasambit nga banwa.
Apang positibo nga nakilala ni Paciano nga ang iya live-in partner ang nasambit nga kalabira bangud sa panapton sini kag pila ka mga kagamitan.
