CANADA – Na-identify na sang Canadian police ang persona nga yara sa likod sang natabo nga school massacre sa British Columbia.
Ini amo ang isa ka 18 anyos nga babaye nga ginaalegar may mental health issues.
Ang suspek amo si Jesse Van Rootselaar, nag-utas man sang iya kabuhi pagkatapos sang shooting incident sa Tumbler Ridge, isa ka remote community sa British Columbia.
Gin-verify sang kapulisan ang numero sang napatay kag sa subong, siyam ang ila nga narekord, baliskad sa nauna nga 10.
“Police had attended that (family) residence on multiple occasions over the past several years, dealing with concerns of mental health with respect to our suspect,” suno kay Deputy Commissioner Dwayne McDonald, commander sang Royal Canadian Mounted Police in British Columbia.
Pahayag niya, si Rootselaar ang nabun-ag nga lalaki apang nag-umpisa sa pagkilala bilang babaye sang nagligad nga anum ka tuig.
Una nga ginpatay sini ang iya iloy, 39 anyos kag iya 11 ka tuig nga step-brother.
Gilayon ini nagpadulong sa eskwelahan, sa diin ginluthang sini ang 39 anyos nga manunudlo, amo man ang tatlo ka mga estudyante nga naga-edad 12 ka tig nga lunsay babaye, duha ka lalaki nga estudyante, isa ang 12 kag isa naman ang 13 ka tuig.
