ROXAS CITY – Posible nga may yara sang ka-grupo ang suspek nga si Mark Cortado Uy sa Railway St., Brgy. IX sa sining syudad.
Ini ang ginpahayag ni Punong Barangay Eufrosenio Azarcon, sang mainterview sang Bombo Radyo.
Suno diri, madamo sang mga naga guha-pasulod sa Railway Street kun sa diin natrack ang ginkawat nga cellphone.
Aminado si Azarcon nga may yara sang mga nagagamit sang iligal nga droga sa ila brgy. ilabi na sa nasambit nga lugar, nga ginatudlo pugad sang mga nagagamit sang iligal nga droga kag nagahimo sang krimen.
Ginalantaw ni kapitan ang posibilidad nga nagagamit man sang iligal nga droga ang suspek bangud ang ginapanghimo sini ang indi buluhaton sang tawo nga yara sa insakto nga paminsaron.
Ginklaro man ni Kapitan nga ang tag-iya sang puloy-an nga yara sa tracker, ang wala sang malain nga rekord sa ila barangay kag posible nagsala ang amu nga tracker.
Padayon naman suno diri ang pagbantay kag pagronda sang mga tanod sa mga lugar nga masami ginaluntaran sang krimen.
Panugyan sang Punong Barangay sa mga pumuluyo nga magkooperar kag halungan nga indi maulamid ang ila barangay sa krimen ukon iligal nga buluhaton.
