MAAYON CAPIZ – Nagpahayag sang iya bahin ang suspek sa pagpanglabo sa isa ka person with disability sa Barangay Quinat-uyan, Maayon, Capiz nga luyag lamang sini depensahan ang iya pamilya rason nga nalabo niya ang amo nga PWD.
Sa pagpakig-angut sang Bombo Radyo sa suspek nga si alyas Richard, yara sa legal nga pang-edaron kag residente sang nasambit nga lugar nga nagahilibion suno diri ang iya kabataan sang gab-i kun sa diin ginapilit buksan sang biktima ang ila pertahan sa kusina nga porsyon sang ila balay.
Pahayag sini nga napaminsar niya sa amo nga tion nga basi kawatan ang amo nga persona bangud wala man ini nagasabat kun pamangkuton kag padayon nga ginapwersa buksan ang ila pertahan.
Matandaan nga nautod ang wala nga kamot sang PWD nga biktima nga ginkilala kay junjun, 20-anyos kag residente sang Barangay Poblacion Tabuc sa nasambit nga banwa.
Samtang, gilayon man ini nga nag-surrender sa ila Punong Barangay kag nagpadulong sa kapulisan pagka-aga matapos ang natabo nga insidente.
