Pormal nga ginlunsyar sang Bombo Radyo kag Star FM ang ginahulat sang tanan nga national promo nga “Swerte sa Palengke 2025: Balde-Baldeng Papremyo na, May Cash Pa!”, nga may katuyuan nga maghatag kasadya, sorpresa, kag madamo nga premyo sa mga pumuluyo sa bilog nga Pilipinas.
Sa subong nga tuig, masobra ₱8 milyon ang ginpreparar nga kantidad sang kabug-osan nga mga premyo nga igahatag sa mga participants halin sa Luzon, Visayas, kag Mindanao. Ang promo magalawig sang pito (7) ka semana, kag kada Sabado magapatigayon sang weekly draw kun sa diin anom (6) ka mga maswerte nga entries ang bunuton. Ang mga napilian may kahigayunan nga magdaog sang cash prize halin sa ₱3,000 tubtub ₱5,000. Dugang pa diri, may tatlo (3) pa gid ka consolation prize winners nga makabaton sang tig-₱1,000.
Apang indi lang ini limitado sa studio draw. Ang “Palengke Activation” isa ka parte sang kampanya kun sa diin ang team sang Bombo Radyo Roxas kag Star FM Roxas magakadto sa mga pinili nga merkado agud magdul-ong sang mga kasadyahan. May mga parlor games, videoke challenge, kag iban pa nga hinampang nga ginahalinan sang instant cash prizes kag mga gift packs. Kada activation week, may pulo (10) ka mga tagdaog ang makabaton sang ₱1,000 cash kag ₱500 nga gift pack nga naga-unod sang mga produkto sang aton mga sponsors, lakip na ang Youngstown Sardines, Orocan, Komeya Bihon, kag Bioderm Germicidal Soap.
Samtang, ang excitement indi pa nagatapos dira. Ang tanan nga non-winning entries halin week 1 tubtob week 7 ang isulod sa Grand Draw nga pagahiwaton sa Setyembre 6, 2025. Sa Grand Draw, mas daku pa gid nga mga papremyo ang nagahulat: ₱30,000 para sa una nga premyo, ₱15,000 para sa ikaduha, kag ₱10,000 para sa ikatlo. May tatlo man ka mga consolation prize winners nga makabaton sang tig-₱5,000. Ini nga premyo ginasiguro nga ipanagtag sa 25 ka key areas nga may Bombo Radyo kag Star FM stations sa bilog nga pungsod.
Para makasulod sa promo, kinahanglan lang magbakal sang mga produkto halin sa aton mga masaligan nga sponsors kag tipunon ang mga proof of purchase.
Lakip sini ang mga empty sachets, packaging, tansan, labels, ukon coupons halin sa mga produkto pareho sang; OROCAN, BIRCH TREE FORTIFIED MILK, SAN MIGUEL PALE PILSEN, GARDENIA, DR. WONG’S SULFUR SOAP, BIODERM GERMICIDAL SOAP, EFFICASCENT OIL, kag R. FLORETE PAWNSHOP.
Mas madamo nga entries ang inyo maipasa, mas daku ang posibilidad nga kamo ang magdaog. Paagi sa padayon nga pagsuporta sang mga Ka-Bombo kag Ka-Starnation, ang “Swerte sa Palengke 2025” nagapadayon sa paghatag sang kalipay kag paglaum sa mga pumuluyo nga nagsalig sa serbisyo sang Bombo Radyo kag Star FM.
Para sa dugang nga impormasyon, magpamati lamang sa inyo nga lokal nga istasyon sang Bombo Radyo kag Star FM, kag bantayan ang mga anunsyo parte sa schedule sang palengke activations, deadlines, kag draw dates.
