ROXAS CITY – Ginpanindugan sang tag-iya sang duta sa quarry operation sa Sitio Sto. Rosario, Barangay Lonoy, Roxas City nga humalin sang una ginabaha na ang ila nga area sa nasambit nga lugar.
Suno kay Ronalyn Linaga nga apisar wala sang quarry operation sa ila nga lugar madugay na ini nga ginabaha bangud wala sang drainage system.
Aminado si Linaga nga wala na sang iligan ang tubig rason nga nagabaha ang ila nga lugar.
Ginpakamaayo na lamang ni Linaga nga magbutang sang tamburong agud nga may iligan ang tubig pagguwa sa lugar nga masami nga ginabaha.
Indi makapati si Linaga nga sa idalom nga porsyon sang ila nga lugar ang ginabaha bangud may yara sang catch basin nga ginpahamtang.
Luyag ni Linaga nga mahatagan sang solusyon kag atensyon sang Department of Public Works and Highways (DPWH) ang nasambit nga problema bangud nagapati ini nga indi man responsibilidad sang tag-iya sang quarry operation ang pagpabutang sang tamburong sa nasambit nga lugar.
