ROXAS CITY – Liwat nga nagpahanumdum ang tagpamaba sang Roxas City PNP, agud malikawan ang mga posible aksidente sa dalan.
Ini matapos ang nagluntad nga vehicular accident sa Barangay Bolo, Roxas City, Capiz.
Matandaan nga dead on arrival ang driver sang Honda PCX WW150M nga motorsiklo nga ginamaneho ni alyas Jr., 31-anyos, miyembro sang PNP nga na-assigned sa 1ST Aklan Provincial Mobile Force Companay (PMFC), kag residente sang Barangay Libas, Roxas City.
Samtang ang driver naman sang kasugata sini nga delivery truck ang ginkilala kay Rodel Avelino Sr., 46-anyos kag residente sang Barangay Lawaan, sining syudad.
Sa interview sang Bombo Radyo sa tagpamaba sang Roxas City PNP nga si PCMSGT. Ramil Arcangeles, ginpahayag sini nga ginahulat pa nila sa karun ang dugang nga impormasyon sang ila ginapatigayon nga imbestigasyon.
Bangud sini, pahanumdum ni Archangeles sa mga motorista nga maghalong sa tanan nga oras ilabi na sa mga nagabyahe sang gab-i kag siguraduhon nga yara sa kondisyon ang lawas antes mabyahe.
