ROXAS CITY – “It runs in the blood”
Ginpahayag sang 13-anyos nga lalaki nga nagkahibalo lang ini sa pagpinta bangud sa iya paglantaw samtang nagapinta ang iya pakaisa nga si John Cyril Dujaylo nga nakilala man sa iya “ME, Myself and I” nga portrait.
Sa interview sang Bombo Radyo kay Romuel Dojaylo, ginsiling sini nga nagliligad lang nga tuig ini nag ‘try’ sa pagpinta paagi sa bulig kag paglantaw sa nagapinta man niya nga pakaisa.
Nakilala si Romuel sa portrait painting sini sa iya Lola nga kapin isa man ka bulan sini antes natapos, bangud suno diri, mabudlay kag dapat detalyado ang amu nga obra-maestra.
Inspirasyon man sang Grade-8 student ang iya pamilya sa pagpinta kag tuman ang iya pagpasalamat sa talento nga ginhatag sang Makaako.
Bangud sini nga talento, nakabulig ini sang gamay iya nga pamilya.
Mensahe sini sa mga kaangay pamatan-on nga indi magkalipat sa pagpangamuyo agud gabayan sa ila handum kag magpabilin nga mapainubuson.
