ROXAS CITY – Nakasumiter na sang pirma ang tanan nga kabanwahan sa segundo distrito bilang pagpakita sang suporta nga amyendahan ang konstitusyon pinaagi sa People’s Initiative.
Ini ang ginkumpirmar ni Atty. Wil Arceño, Provincial Election Supervisor sang Commission on Elections (COMELEC) – Capiz sang mainterview sang Bombo Radyo.
Nakabaton ang talatapan sang 4,082 ka panid sa diin yara sa kabug-usan nga 39, 119 ukon masobra 10% sang mga botante ang nagpirma halin sa 10 ka kabanwahan sa segundo distrito.
Yari ang mga kabanwahan nga nagsumiter sang pirma para sa PI:
Dumalag – 4,657
Dumarao – 6, 582
Sapian – 2, 143
Sigma – 4,268
Jamindan – 3,988
Ivisan – 2, 960
Mambusao – 3,524
Tapaz – 3,913
Dao – 4,185
Cuartero – 2,899
Suno diri, ang nasambit nga mga pirma ang subject for verification ilabi na ang authenticity sini kag kun matuod nga pirma ini sang isa ka botante.
Nagapati si Arceño kun pagabasehan ang numero posible malab-ot ang 3% sa total voters nga target sa kada distrito.
