Arestado ang tatlo tanan ka mga individual sa ginpatigayon nga drugbuy-bust operation sang Philippine Drug Enforcement Agency (PDEA) sa Barangay Tiza, Roxas City, Capiz.
Ang mga arestado amo sanday alyas Josie, 66-anyos, alyas John, 28-anyos, tricycle driver lunsay residente sang Brgy. Tiza, Roxas City kag si alyas Ryan,22-anyos, tricycle driver, residente sang Brgy. Inzo Arnaldo, Roxas City.
Sa interview sang Bombo Radyo kay Punong Barangay Dax Noel Alovera, iya ginpahayag nga nakuha sa mga arestado ang pito tanan ka sachet sang suspected shabu nga may kabug-aton sang 15 grams kag may standard drug price nga P102,000.00.
Suno kay Alovera, padayon ang kampanya sa barangay kontra sa iligal nga droga agud nga maprotektahan ang mga pumuluyo kag malikawan ang paglapta sang ilegal nga bisyo.
Dugang pa ni Alovera, nga may yara man sang mga programa ang barangay, kaangay sang sports events kag iba pa nga aktibidad para sa kabataan kag komunidad, nga nagatuyo maghatag sang alternatibo kag positibo nga mga kalingwan para sa mga residente.
Nagpanugyan man ini sa mga pumuluyo nga indi gid mag-engage sa iligal nga droga bangud wala ini sang maayo nga madangatan
