3 ka mga persona nga nagtuga sang kinagamo, arestado

ROXAS CITY – Ginhunong na sa karsel sang Roxas City Police Station ang tatlo ka mga persona matapos nga ginaalegar nagtuga sang kinagamo sa Barangay Bolo, Roxas City.

Ginkilala ang mga arestado nga sanday Cedric Lacso, Vince Aguas, kag Charles lunsay residente sa amo nga lugar.

Sandig sa imbestigasyon sang mga kapulisan nagaguwa nga mismo si Punong Barangay Siolly Andrade ang nagpapresu sa tatlo ka mga persona.

Ginaalegar nga nagkinagamo ang tatlo ka mga suspek apang sang tion nga ginsaway sang nasambit nga opisyal, lunsay wala nagpati ang tatlo rason nga ginpakamaayo na lamang nga ihunong ang mga ini sa karsel.

Matandaan sang nagligad nga Biyernes nga adlaw lang nagkinagamo ang amo nga mga persona.