3 drug suspek nga nadakpan sa Drug Buybust Operation sa banwa sang Ivisan, ginpasakaan na sang panumbongon

ROXAS CITY-Ginpasakaan na sang panumbongon ang tatlo ka mga person nga nadakpan sa ginkasa nga drug buybust operation sang Roxas City Police Station kag Ivisan Municipal Police Station sa Barangay Poblacion Norte, Ivisan Capiz.

Panumbongon sa paglapas sa R.A. 9165 ukon Comprehensive Dangerous Drugs Act of 2002 ginpasaka batuk sa mga suspetsado nga sanday Jean Frances kag Jun-jun Lima kag German Bolarde lunsay mga residente sang nasambit nga banwa.

Matadaan nga narekober sa mga suspetsado ang kapin P2.3 Milyon balor nga shabu.

Samtang nagapadayon pa nga ginausisa sang mga kapulisan ang iban pa nga mga indibidwal nga imbolbado sa mga nasambit nga persona.