Telecom Shop, ginkawatan sa banwa sang Mambusao; kapin P900k nga mga items nataban

ROXAS CITY – Ginsulod sang kawatan ang isa ka telecom shop sa Villareal Highway, Brgy Poblacion Tabuc, banwa sang Mambusao.

Sandig sa inisyal nga imbestigasyon sang Mambusao MPS, nadiskubrehan sang empleyado nga si Emmy Jumpay, 43-anyos kag residente sang Brgy. Bating sang amo nga banwa, nga guba na ang padlock sang roll-up door sang amo nga shop.

Talalupangdon man nga nagkaladula ang mga baligya sang shop kasubong sang cellphones, cellphone accessories kag speakers.

Ginabulubanta nga masobra o menus P958,765 ang balor sang nagkaludula nga items.

Sa karon, wala pa natumod ang suspek sa amo nga pagpangawat kag nagapadayon pa ang imbestigasyon sang kapulisan sa amo nga insidente.