ROXAS CITY – Nagpapanaug na ang gobyerno sang Thailand sang mandato nga magabukas na ang pungsod sa tanan nga dumuluong kag turista sumugod sa bulan sang Hulyo.
Ini ang ginkumpirmar ni Cleo Rose Jondonero, Bombo International Correspondent sa Thailand sang mainterview sang Bombo Radyo.
Suno diri, kinahanglan lamang magpresentar sang vaccination card nga may yara sang tatlo ka shots kag indi na kinahanglan pa magpakita sang insurance kag swab test.
Mahibaluan nga turismo ang isa ka economic contributor sang Kingdom of Thailand.
Ginpahayag ni Jondonero nga daw kaangay na lang sang lagnat ang pagtratar sang mga pumuluyo sa balatian nga COVID-19.
Normal na nga makabig ang pagginawi sa pungsod kun sa din wala na ginakahadlukan sang mga pumuluyo ang COVID-19 kabangdanan sa pagkakas sang face mask ruling sa Thailand subong nga Hunyo.
Apisar ginkakas na ang facemask ruling, kadam-an man sa gihapon ang makit-an nga nagasuksok sang facemask ilabi na sa mga close nga lugar kasubong sang mall kag airconditioned classroom.
Dugang pa sini nga halos kabug-usan sa mga pumuluyo ang vaccinated sa lugar kalakip na ang mga kabataan.
