Hugot nga ginpahanumduman sang pamumunuan sang Traffic Management Unit (TMU) ang mga traysikol driver sa nagakaigo nga pagsuloktan sa syudad sang Roxas.
Sa interview sang Bombo Radyo kay Mr. Gonzalo Andrada, TMU Head, suno diri nga sandig sa naga-eksister nga ordinansa, kinse ka pesos lamang ang bayad sa una nga isa ka kilometro kag magadugang sang lima ka pesos sa kada masunod nga kilometro.
Suno pa kay Andrada nga mahimo makareklamo ang mga pasahero kun mapamatud-an naman nga nag-overcharge ang driver, pinaagi sa pagkuha sang city number sang traysikol kag magpadulong sa ila talatapan.
Dugang sini,ang madakpan nga drayber ang magabayad sang penalidad nga naga balor P1,500 sa first offense, P3,000 sa 2nd offense, P5,000 sa 3rd offense, kag posible mabawian ang mga ini sang prangkisa kun soang ila bayulasyon.
Panugyan sang TMU Head sa mga tricycle drivers nga sundon ang nagakaigo nga minimum nga pletehan sandig sa lokal nga ordinansa.
