ROXAS CITY, CAPIZ – Nagpatigayon sang road clearing operations ang Traffic Management Unit subong nga adlaw partikular sa Burgos Street, Roxas City.
Sa interview sang Bombo Radyo kay Mr. Gonzalo Andrada Jr., Head sand sang Traffic Management Unit, iya ginpahayag nga ang operasyon nakasantu sa ordinansa sang syudad nga hawanan ang mga nagatuga sang obstruction sa dalan kaangay sang mga sidewalk vendors nga naga-occupy sang space, mga illegal structure kag mga naga-double parking.
Suno kay Andrada, katuyuan sang clearing operations nga mangin passable ang Burgos Street bangud ila naobserbahan nga nagbalik naman ang pila ka sidewalk vendors nga nagalapas sa ordinansa.
Magluwas sa mga sidewalk vendors nga nagatuga sang trapiko, isa man diri ang pila ka mga motorista nga ginahimo parking area ang kuntani alagyan pa sang mga nagadalalagan nga salakyan kag ang mga nagapundo sa mga loading kag unloading points.
Mensahe ni Andrada sa publiko nga sundon ang ordinansa sang syudad agud malikawan ang mga penalidad.
