ROXAS CITY – Personal nga nagpadulong sa Roxas City Police Station ang isa ka tomboy matapos nga ginaalegar nga gin-rape sang iya amo ang iya nagabusong nga live in partner sa isa ka barangay diri sa siyudad sang Roxas.
Sandig sa ginpabalhag sang wala na ginhingadlan nga tagreklamo nga ginaalegar sini nga naglisensya ang iya nga magtulog sa ila balay bangud ginapahayag sini nga nag-away sila sang iya nga asawa.
Gilayon naman nga nagpasugot ang nasambit nga tagreklamo rason nga didto niya ini nila ginpatulog.
Apang, wala ginalaoman sang tagreklamo ang may yara sang malain nga buko ang iya amo sa iya nga live in partner.
Sang nagakatulog na sila hinali na lamang nga nakabugtaw ang tagreklamo matapos nga ginkusi ini sang todo sang iya nga live-in partner agud nga makabatyag bangud ginapahayag nga gina-amat-amat na sini lugos sang iya amo ang biktima rason nga indi ini makasinggit.
Bangud diri, nakita mismo sang tagreklamo nga wala na sang ginasuksok nga panapton ang suspek kun sa diin nakita sini mismo ang kinatawo sang iya amo.
Magluwas diri, nakita man sini ang bayo sang iya live in partner nga kasubong nga daw ginapilit nga hubaon sang amo nga suspek.
Nagabusong pa sang walo ka bulan ang biktima sang tuyo kuntani nga himuslan sang nasambit nga suspek.
Nahibaluan nga nagtindog nga amay ang tagreklamo sa ginabusong nga lapsag sang iya nga live in partner kag madugay na sila nga naga-upod.
Sa karon, yara na nakahunong sa karsel sang Roxas City Police Station ang suspek.
