ROXAS CITY – Arestado ang isa ka top 3 kag top 4 most wanted person matapos maserbihan sang warrant of arrest sang mga katapo sang kapulisan sa Barangay Daplas, Dao Capiz.
Ginkilala ang mga nagkaladakpan nga sanday alyas Benjie, 67-anyos kag Alyas Benjoe, 33-anyos lunsay mga mangunguma kag lunsay residente sang nasambit nga lugar.
Sa impormasyon nga nakuha sang Bombo Radyo nagikan sa Dao Municipal Police Station, nagapangatubang ang mga ini sang kaso nga Murder kag wala sang ginrekomendar nga piyansa ang korte para sa ila temporaryo nga kahilwayan.
Mahibaluan nga ang warrant of arrest ang gin-isyu kag ginpirmahan ni Hon. Kristine B. Tiangco-Vinculado, Presiding Judge, 6th Judicial region, RTC Branch 16, Roxas City, napetsahan July 30 , 2024.
Sa karon, yara na ang mga ini sa kustodiya sang DAO MPS kag natalana nga igaturn-over sa origin of court.
