Dakop ang isa ka lalaki nga ginakabig Top 7 Most Wanted Person sa Municipal Level matapos ginserbihan sang mandamiento de aresto sang mga kapulisan sa Pueblo de Panay, Barangay Lawaan, Roxas City.
Ginkilala ang akusado kay alyas “Boyet”, 49-anyos, kag residente sang Brgy. Cogon, Roxas City.
Nagapangatubang sa kaso nga ‘Robbery ang akusado kun sa diin ang warrant of arrest ang gin-isyu kag ginpirmahan ni Hon. Kristine B. Tiangco-Vinculado, Presiding Judge, Regional Trial Court, Sixth Judicial Region, Branch 16, Roxas City, Capiz kag napetsahan sang Enero 6, 2025.
Samtang, ginrekomendar naman sang korte ang P100,000 nga piyansa para sa temporaryo sini nga kahilwayan.
Sa karon, yara na ini sa kustodiya sang Roxas City Police Station para sa nagakaigo nga disposisyon.
