Traffic auxilliary nga magabutang kuntani sang campaign posters sang kandidato, nabungguan sang motorsiklo

ROXAS CITY – Bali ang tiil sang isa ka traffic auxiliary matapos nga ginbungguan sang motorsiklo sa Barangay Balijuagan, Roxas City.

Ginkilala ang biktima kay Cezar Zaguirre 55-anyos sang Barangay Mongpong, Roxas City.

Base sa imbestigasyon sang kapulisan  nagatabuk ang biktima para magpanakud kuntani sang campaign poster sang isa ka kandidato hinali na lamang ini nga ginbungguan sang motorsiklo nga ginamaneho sang isa ka manunudlo nga si Japhet Dariagan 23-anyos sang Poblacion Sur Sigma.

Bangud sa aksidente nag-angkon sang kapilasan sa lawas si Dariagan samtang nabali ang natuo nga porsyon sang tiil ni Zaguirre nga padayon nga ginabulong.