ROXAS CITY, CAPIZ- Madamo nga mga raliyista ang nagpakigbahin sa Trillion Peso Prayer Rally nga ginpatigayon sa syudad sang Roxas sang Nobyembre 30, 2025.
Sa interview sang Bombo Radyo kay Fr. Jerome Secillano, Executive Secretary sang Public Affairs kag Catholic Bishop Conference of the Philippines Rector sang Edsa Shrine, iya ginpahayag nga mabaskog ang panawagan sang mga tawo sa pagpanabat sang kinahanglan nga magpanabat sa korapsyon nga nagakahinabo sa pungsod.
Suno kay Fr. Secillano, ang ila nga aksyon ang indi direkta nga nagakontra sa opisyal apang sa korapsyon nga nagakahinabo sa diin nga kinahanglan matapna sa labing madasig nga panahon.
Pahayag niya, nalipay ang iya huna-huna bangud bugtaw ang tawo sa mga nagakahinabo sa pungsod.
Nahibaluan nga yara sa mas ukon menos 1,500 ka mga indibidwal ang nag-upod sa amo nga hublag protesta.
Nagapanawagan naman ang natungdan nga indi mag-untat sa pagpakigbato kag singgitan nga untaton na ang korapsyon kag ipabalik sa mga nagkawat ang ila ginpangkawat sa kaban.
Interviewed by Bombo Jessa Mae Siman De Los Santos
