ROXAS CITY – Ginbawian na sang kabuhi sa Capiz Emmanuel Hospital si Marwin Custodio sang Barangay Cogon, Panay, Capiz, ang lalaki nga nag-viral sa Facebook matapos nagpakasal sila sang kahagugma sa pihak sang pagsuprer sini sang stage 4 cancer.
Asawa sang napatay nga cancer patient,indi pa makapati nga wala na ang bana
Ini ang ginkumpirmar sang mga abyan pinaagi sa ila ginpost sa Facebook.
Sa matandaan nga bago gid lamang nagpakasal si Marwin sa iya kahagugma nga si Mabel Custodio sa diin ginpatigayon ang ila kasal sa ila mismo puluy-an nga gintambongan sang ila malapit nga himata kag mga abyan.
Nahibaluan nga duha na ka tuig nga nagapakigbato sa balatian nga osteosarcoma cancer si Marwin, apang ginpakigbatuan sini ang sakit para sa iya asawa kag duha ka mga kabataan nga nagapang-edaron sang anum ka tuig kag isa ka tuig.
Ginpahayag ni Mabel nga madugay na sila nagaplano nga magpakasal apang gin-una nila ang pagpabulong kay Marwin.
Apang nahibaluan nga mismo si Marwin ang naghinyo nga dayunon ang ila kasal agud mangin legal ang ila pag-upod bilang mag-asawa.
