PRESIDENT ROXAS, CAPIZ- Arestado ang isa ka lalaki matapos nga nakuhaan sang armas-luthang kag ginapatihan iligal nga droga sa Barangay Poblacion, President Roxas, Capiz.
Ang arestado amo si alyas ‘Mark’, 20-anyos, kag residente sang Barangay Pantalan, sa nasambit nga banwa.
Sa impormasyon nga nakuha sang Bombo Radyo nagikan sa President Roxas Municipal Police Station, ginapahayag nga samtang nagapatrolya ang mga kapulisan, nanotisyaran sang mga ini ang amo nga arestado sa isa ka convenience store nga nagguha kag nakit-an nga may nakasukbit nga armas-luthang sa iya sini nga hawak.
Bangud sini, gilayon nga ginmando sang mga kapulisan nga indi maglakat ang amo nga lalaki apang nagpanginpadlos pa ini sa diin nga wala nakatigayon nga magpalagyo.
Ginpangitaan ini sang mga kapulisan sang mga dokumento kag permit apang wala ini sang may ginpresentar.
Nahibaluan nga nakuha sa paghinakop sang amo nga lalaki ang isa (1) ka unit sang calibre .38 revolver nga may sulod nga duwa ka mga bala.
Dugang pa mga makuha diri ang duwa (2) ka sachets sang ginapatihan shabu, isa (1) ka sachet sang dried marijuana, isa (1) ka unit sang fan knife (batangeño), isa ka lighter, kag isa (1) ka cellphone.
Recovered from his possession, custody, and control was one (1) unit of caliber .38 revolver without serial number, loaded with two (2) live ammunition.
Nagapangatubang ini sa karon sa mga kaso nga paglapas sa Republic Act 10591 ukon ang ‘Comprehensive Firearms and Ammunition Regulation Act’ kag Republic Act 9165 ukon ang ‘Comprehensive Dangerous Drugs Act of 2002’.
Sa karon, yara na ini sa kustodiya sang President Roxas Municipal Police Station para sa nagakaigo nga disposisyon.
