ROXAS CITY-Tatlo ka mga armas-luthang ang boluntaryo nga ginsungka sa magkatuhay nga police station sa probinsiya.
Boluntaryo nga ginsungka ni Josefino Clores, 49-anyos residente sang Barangay Poblacion Tabuc,Panay Capiz ang isa unit sang homemade cal. 38 pistol nga wala sang bala sa Panay Municipal Police Station.
Boluntaryo man nga ginsungka sa nasambit nga police station ni Punong Barangay Vincent Almado sang Barangay Lomboy, Panay Capiz ang isa ka unit sang homemade shotgun nga wala man sang bala.
Samtang boluntaryo man nga ginsungka ni Punong Barangay Loreto Jore sang Barangay Poblacion Norte, Sigma Capiz ang isa ka unit sang cal. 38 pistol nga wala sang bala sa Sigma Municipal Police Station.
Sa karon natalana nga iga-turn over ang nasambit nga mga armas-luthang sa FESAGS division sang CPPO.
