Ginareklamo sang mga motorista nga nagaagi ang mga dalagkuan nga trucking nga nagaparada sa Circumferencial Road sang Barangay Cagay, Roxas City.
Sa interview sang Bombo Radyo kay Punong Barangay Arturo Aragon sang Brgy. Cagay, ginpahayag sini nga nakaabot na sa iya ang reklamo natuhoy sa nasambit nga mga trucking.
Sun okay Aragon, gilayon nya ini nga ginpadulugan kaupod ang iya mga kagawad ang opisina sang ginareklamo nga truck kag didto naghinyo ang mga negosyante nga tubtob subong nga bulan nalang sang Disyembre ini sila maga-parking sa nasambit nga dalan.
Dugang pa ni Aragon, ang rason sang mga negosyante, kinahanglan suno ini sang probinsya sang Capiz kag mangin sang mga kaiping nga ka-probinsyahanan kasubong sang Iloilo, Antique kag iban pa.
Nahibaluan nga ang mga baboy nga karga sang mga truck ang nagikan pa sa Bohol kag ini ang ginapick up sa Barangay Cagay sang mga negosyante man gikan sa nagkalain-lain nga mga probinsya.
Dugang pa ni Aragon, nagpahamtang man ini sang BPAT sa lugar kag ini man sila ang nagalimpyo sa mga higko nga ginbilin sang mga nagparada nga truck sa nasambit nga dalan.
