ROXAS CITY – Dakop sa akto ang isa ka babaye nga nagapangawat sa isa ka puluy-an sa Sitio Banica Tulay, Barangay Banica, Roxas City.
Ginkilala ang biktima kay alyas “Christian”, 21-anyos kag residente sang Barangay Banica, Roxas City samtang ang ginapahayag suspek ang ginkilala kay alyas “Gina”, 44-anyos kag residente sang Barangay Bancal, Carles, Iloilo City.
Sandig sa impormasyon nga nakuha sang Bombo Radyo nagikan sa Roxas City PNP, ginapahayag nga sang nag-abot ang iloy sang biktima nga si alyas “Maria”, 50-anyos, kag caretaker sa ila balay nagikan sa iya sini nga obra nadakpan sini sa akto ang suspek nga yara sa sulod sang ila puluy-an.
Suno diri nga sa ila pagstekyar sa lawas sang suspek nakuha diri ang P3,600.00 nga kwarta, kag ATM card sang biktima.
Sa bulig sang mga opisyales sang barangay natigayon nga madakpan si alyas “Gina”.
Sa karun, nakahunong na ini sa karsel sang Roxas City PNP para sa nagakaigo nga disposisyon.
