Dakop ang isa ka lalaki matapos makuhaan sang indi lisensyado nga armas-luthang kag shabu sa Barangay Rosario, Pilar, Capiz.
Ginkilala ang suspetsado kay alyas ‘Jude’, 31-anyos kag residente sang Barangay Bulaquena, Estancia,Iloilo.
Sa impormasyon nga nakuha sang Bombo Radyo sa Pilar MPS, dakop sa akto ang amo nga suspetsado nga nagabitbit sang armas luthang.
Narekober kay alyas Jude ang isa ka unit sang Smith and Wesson .38 caliber revolver, 2 ka mga bala kag isa ka basiyo.
Samtang, separado nga narekober sa paghinakop ni alyas Jude ang 2 ka sachets sang ginapatihan ilegal nga droga nga naglab-ot sa 10 gramos nga may standard drug price nga P68,000.00.
Sa karun, nagapabilin ini sa paghinakop sang Pilar PNP kag natalana nga pagpasakaan sang nagakaigo nga kaso.
