ROXAS CITY – Ginhatagan sang mga pagkaon samtang wala pa sang mando nga nagikan sa coastguard sang Roxas City nga sila ang pahanugutan nga maglakat padulong sa Iloilo City.
Ini ang ginpahayag ni Denis “Pong” Saneo head sang City Disaster Risk Reduction and Management Office (CDRRMO) sang ma-interview sang Bombo Radyo Roxas.
Mahibaluan nga subong nga adlaw Pebrero 7, may 21 ka mga indibidwal nga ginhold sang katapo sang Barangay Officials sang Barangay Punta Cogon, Roxas City bangud sa ginapahayag iligal nga pagdungka sa ila barangay.
Ginpahayag ni Bryan Derder, nga maga-agi lang kuntani sila diri sa Roxas bangud sa probinsya sang Iloilo ang ila destinasyon agud magbaligya sang ila skin care products.
Dugang pa sini, nga wala sila makahibalo nga indi sila sa port magadungka bangud nag-arkila lang ang mga ini sang sakayan.
Apang suno kay Soneo nga kinahanglan sa Culasi port ang mga ini magadungka.
Suno pa diri nga sila ang pahanugutan sa gihapon nga magpadulong sa probinsya sang Capiz apang pagasundon lamang nila ang mga tikang nga ginapatuman sang gobyerno sang nasambit nga probinsya.
Nagpalab-ot man sang pasalamat si Soneo sa mga opisyales sang Punta Cogon, Philippine Coast Guard, Roxas City Police Station kag mga frontliner sa ila nga pagbantay kag monitor sa ila nga lugar.
