Tatlo ka mga bangkay sang ginapatihan miyembro sang New People’s Army (NPA) ang nasapwan sang militar sa Sitio Tigpaka Gamay, Barangay San Antonio, Cuartero, Capiz.
Ini ang ginkumpirmar ni Lt. Col. Sisenando Magbalot Jr., Battalion commander sang 61st Infantry Battalion sang Philippine Army sang mainterview sang Bombo Radyo.
Suno kay Magbalot nga nasapwan ang dugang nga duha ka mga bangkay sang mga rebelde matapos ang ginapatigayon nga clearing operation sa ginluntaran sang engkwentro.
Matandaan nga pagkatapos sang engkwentro kahapon may yara sang nasapwan nga isa ka bangkay kag nadugangan lamang ini sang duha pa ka mga bangkay kaina sang aga.
Magluwas sa mga nasapwan nga bangkay, may narekober man ang tropa sang gobyerno nga isa ka M16 armalite rifle, AK 47 rifle kag mga bala.
Sa karon padayon pa nga ginakilala sang militar ang pagkakilanlan sa tatlo ka mga bangkay nga ila nasapwan.
