Gin-anunsyo ni U.S. President Donald Trump nga pataason niya ang taripa sa mga produkto gikan sa pungsod South Korea, lakip na ang mga salakyan, kahoy kag bisan ang pharmaceutical products, bangud sa kapaltahan sang pagpatuman sang una nga ginkasugtan nga “trade pack” sa Estados Unidos.
Suno kay Trump, magasaka ang taripa humalin 15 percent tubtob 25 percent nga iya igapatuman sa Seoul bangud sang wala pa gintuman nga trade agreement nga ginkasugtan sang Amerika kag South Korea sang damlag lang.
Ginpahayag sang opisina presidente sang South Korea nga wala sila naabisuhan sang una nga parte sa plano sang Estados Unidos kag nagpadayon nga malinong samtang ginpanindugan ang ila commitment sa kasugtanan sa Amerika.
Nahibaluan nga 27 percent sang total nga export sang South Korea sa Estados Unidos ang nagahalin sa automotive industry, samtang halos katunga sang export sang salakyan sang pungsod padulong gid sa US market.
Kun ibalik sa mas mataas nga lebel ang taripa sa South Korea, posible nga mag-nubo ang exports sang produkto sang Seoul kun ipaanggid sa Japan kag European Union, nga pareho may yara sang kasugtanan nga 15% nga taripa sa ila mga exports sa Estados Unidos.
Sa pihak sang mga pahayag ni Trump, wala pa gihapon sang ginpagwa nga pormal nga pahibalo ang administrasyon sang US agud opisyal nga ipatuman ang amo nga pagbag-o sa taripa.
