Wala sang ideya ang utod sang nasapwan nga bangkay sa Barangay Agbabadiang,Panitan, Capiz kun paano nalumos ang iya nga utod.
Sa interview sang Bombo Radyo kay Giervin Buendia, iya ginpahayag nga ulihi nila nakita ang biktima sang Dominggo nga adlaw kag nabal-an na lang sa isa ka post makaligad ang isa ka semana nga nagalutaw na ini sa bahin sang banwa sang Panitan.
Gilayon nila nga nakilala ang bangkay nga ila utod bangud sa bayo sini nga ginasuksok.
Suno kay Buendia, ika-apat ini sa ila nga pito nga mag-ulotod kag isa mabuot nga tawo kag may respeto ang iya sini nga utod .
Pahayag pa niya, wala man ini nagalagaw sa malayo kag nagakadu lamang sa iya mga suod nga abyan.
Dugang pa sang natungdan, pagabatunon na lang nila ang natabo nga pagkalumos sang sa iya utod nga wala na sang plano nga magpatigayon pa sang autopsy sa bangkay
Interviewed by: Bombo Francis Biñas via Zona libre
