Ginkondenar sang pila ka mga netizens si Vice Ganda matapos ang isa ka parody segment sa una nga gab-i sang iya concert nga daw kaangay nga nagatumod kay anay Presidente Rodrigo Duterte.
Ang bahin naglakip sang pagsambit sang “Jet Ski promise,” DDS (Diehard Duterte Supporters), kag isa ka pagpakunokuno sang anay presidente nga nagpalipay sa pila ka mga tumalan-aw.
Apang nakakuha ini sang kritisismo gikan sa iban, lakip ang isa ka Facebook user nga nagpanawagan sa city government sang Davao nga ideklarar si Vice Ganda nga persona non grata, bangud sa gin-alegar nga kakulang sang respeto.
Suno sa pila ka mga Dabawenyo, wala sang malain sa humor apang dapat may limitasyon kag indi ini dapat “below the belt”.
Natalupangdan man sang mga netizens ang pagnubo sang followers ni Vice Ganda halin sa 20 million, nabuhinan ini sang 151, 552 ukon kabaylo sang 1% nga followers.
Sa pihak nga bahin, gindepensahan ni Akbayan party-list Representative Perci Cendaña ang komedyante kag gindayaw ang panindugan sini.
‘Speaking truth to power is most potent when it makes people laugh. This means the message really got through. Laughter is not only the best medicine, it is also the best wake-up call,’ siling ni Cendaña.
