Nagbalik sa The Hague si Vice President Sara Duterte matapos ginbalibaran sang International Criminal Court Appeals Chamber ang hingyo nga interim release sang iya nga amay nga si anay President Rodrigo Duterte.
Ginsiling ni Vice President Sara nga nakaupod niya ang iya amay kag napalab-ot diri ang suporta kag pangamuyo sang publiko.
Madumduman nga sang Nobyembre 28, hugot nga ginbalibaran sang International Criminal Court ang plea bangud sa peligro nga makalikaw si Duterte kag makaapekto sa pre-trial proceedings, ilabi na matapos ang pagdaog niya bilang alkalde sang Davao City sang May 2025 elections.
Samtang, ginahulat pa sang defense team ang desisyon sa apela sa jurisdiction kag ang medical assessment nga natalana nga ipasa sa Disyembre 5, matapos ginsiling sang mga abogado nga indi pa kaya nga mag-atubang ni Duterte sa trial.
