Luyag ni Vice Mayor Romel Somo sang Tapaz nga siya ang mangin una nga bise alkalde nga magapungko sa ila nga banwa bilang alkalde, Mahibaluan nga sa banwa sang Tapaz wala pa sang gina swerte nga vice mayor kag ginatawag ini nga sumpa sang pila ka mga pumuluyo.
Sa interview sang Bombo Radyo kay Somo ginpabugal sini nga siya lang ang opisyal sang banwa nga nagakadto sa mga nabukid nga kabarangayan kag personal nga nakita ang sitwasyon sang mga pumuluyo kag kung anu nga mga bulig halin sa gobyerno ang ila nga kinahanglan.
Suno pa kay Somo nga ang mga pumuluyo ang isa sa mga rason kung ngaman nagdisisyon ini nga magpadalagan sa pagkamayor sang Tapaz apesar nga mapag on ang iya nga kontra kag wala ini sang partido nga ginasandigan.
Dugang pa ni Somo nagapati ini nga magasuporta ang mga pumuluyo sa iya kasubong sang pag upod sa iya sa nakaligad sini nga pagpadalagan sa pihak nga wala ini sang mga kapartido.
Samtang suportado naman si Somo sang iya nga bilog nga pamilya sa pagpapili sini nga alkalde sa banwa sang Tapaz.
