Gin-suspend sang Office of the Ombudsman ang walo ka board member sang probinsya sang Antique bangud sa kakulangan sang mga ini sang aksyon sa P1-B budget sang kapitolyo.
Kalakip sa mga ginsuspendir sang anom ka bulan amo sanday Board Members Egidio Elio, Rony Molina, Victor Condez, Alfie Jay Niquia, Plaridel Sanchez IV, Mayella, kag Plameras Ladislao.
Kaupod man diri sanday ex-officio members Julius Cezar Tajanlangit sang Liga ng mga Barangay kag Kenneth Dave Gasalao sang Sangguniang Kabataan.
Sa resolusyon nga ginpaguwa ni Ombudsman Samuel Reyes Martires, may bastante kag mabakod nga ebidensiya nga nagapakita nga guilty ang nasambit nga mga opisyal sa mga reklamo batuk sa ila.
Ini amo ang grave misconduct, oppression, kag gross neglect in performance of duty.
Gin-file ang mga reklamo nga administratibo batuk sa nasambitan nga mga opisyla bangud sa ginaalegar wala ang mga ini nagahulag sa ginsuhestyon ni Gov. Rhodora “Dodod” Cadiao nga una nga supplemental budget.
Ang kabahin sang badyet ang nakapain kuntani para sa mga proyekto sang solar energy sang walo nga provincial hospital pati na ang pag-install sang mga solar-powered street lights kag home solar system.
