Nakit-an nga yara sa kritikal nga kondisyon ang walo ka tuig nga bata nga babaye nga una nga ginreport nga missing sang iya pamilya sa Mabalacat City, Pampanga.
Ginsuspetsahan nga ginhimuslan ang biktima matapos ginhingyo sang suspek nga mag-upod agud maghatag sang P20.00.
Suno sa kapulisan, ulihi nga nakit-an ang biktima sa sulod sang pisonet shot sang Dominggo sang gab-i. Apang wala nakapauli ang bata rason nga naghinguyang sang gab-i ang pamilya sa pagpangita sa iya.
Pagkasunod nga adlaw, nagpangayo sang bulig sa barangay ang pamilya kag gintsekyar ang CCTV camera sa pisonet shop, kag nakita nga naglakat ang 20 anyos nga suspek nga residente man sang barangay upod ang biktima, kag gilayon ini nga gindakop.
Nahibaluan, gin-ako sang suspek nga gindala niya ang biktima malapit sa NLEX, kag didto nasapwan sang mga staff ang biktima nga halos wala na sang pangalibutan, may mga pilas kag pilas sa ulo.
Sa subong, padayon nga ginabulong kag ginapaidalum sa test sa ospital ang biktima bangud sang tuman ka grabe nga pilas sa ulo.
