Isa ka pahanumdom sang padayon nga pag-amlig sa ikaayong lawas sang pagselebrar sang World Health Day.
Sa interview sang Bombo Radyo kay Dr. Ma. Cellini Bauson, Acting Chief of Hospital I sang Mambusao District Hospital, iya ginpahayag nga ang World Health Day ang ginaselebrar sa kada tuig bilang pagdumdom sang pagtukod sang World Health Organization kag bilang pamaagi sa pagpalapad sang awareness sa importansya sang healthcare.
Suno kay Bauson, ang tema subong nga tuig ang amo ang “Together for health. Stand with science.” nagapahayag sang importansya sang kooperasyon kag paggamit sang scientific evidence sa pagdesisyon parte sa panglawas.
Pahayag pa niya, ang pag-atipan kag pag-amlig sa lawas isa ka shared responsibility nga indi lamang para sa healthcare workers kundi para man sa gobyerno kag komunidad.
Nagpahanumdom man ang natungdan sa publiko nga maglikaw sa misinformation kag magsalig lamang sa verified nga impormasyon halin sa eksperto.
