Preparado na ang 490 tanan ka mga delegado sang probinsya sang Capiz para sa pagapatigayunon nga 2025 Western Visayas Regional Athletic Association (WVRAA) Meet sa palaabuton nga Marso 1 tubtob 8 sa probinsya sang Antique.
Sa pagpakig-angut sang Bombo Radyo kay Ms. Yzarda Claudette Ballera, Division Information Officer sang DepEd Capiz Division, ginpahayag nga ginakalakipan sang mga estudyante nagikan sa pila ka mga buluthuan sa probinsya sang Capiz ang mga atleta nga magapasakop sa amu nga kahiwatan.
Pahayag pa sini nga ang basehan sang mga atleta nga kwalipikado para sa 2025 WVRAA Meet amu ang tinalikdan man nga Provincial Meet sa probinsya sang Capiz.
Mahibaluan nga may kabug-usan nga 731 ka mga delegates nagikan sa Capiz ang magapadulong sa probinsya sang Antique para sa pagahiwaton nga aktibidad, kun sa diin ginakalakipan ini sang 132 ka mga Committee Personnel, 77 nga mga Coaches, 15 ka mga Assistant Coaches, 17 ka mga Chaperons kag kalakip na ang mga atleta.
Samtang, natalana ini nga magpadulong sa probinsya sang Antique sa maabot nga Pebrero 27, tuig 2025.
