-- ADVERTISEMENT --
ROXAS CITY – Padayon nga ginabulong sa ospital ang isa ka persona matapos na-aksidente sa ginamaneho nga motorsiklo sa Barangay Lawaan, Roxas City.
Ginkilala ang biktima kay Anthony Fernandez sang Balasan, Iloilo.
Base sa inisyal nga imbestigasyon sang kapulisan samtang ginasubay sang biktima ang nasambit nga dalanon hinali na lamang ini nga nadulaan sang kontrol sa pagmaneho rason nga bumunggo ini sa center island sang karsada.
Bangud diri, natumba ang motorsiklo kag nag-angkon sang mga kapilasan sa lawas si Fernandez.
Gilayon naman gindala sa ospital ang biktima agud dapatan sang nagakaigo nga pagbulong.
-- ADVERTISEMENT --
