Roxas City – Patay ang backrider samtang pilason ang driver sang motorsiklo matapos nabungguan ang layaw nga ido sa President Roxas, Capiz.
Ginkilala ang napatay kay Luzviminda Dais 40-anyos nga nag-angkon sang patal nga pilas sa lawas samtang ang driver amo si Roberto Bantaculo 71-anyos lunsay mga residente sang Barangay Cabungahan, Maayon, Capiz.
Base sa imbestigasyon sang President Roxas PNP ginasubay sang mga biktima ang dalanon sakay sa motorsiklo sang aksidente nga nabunggoan ang ido rason nga nadulaan sang kontrol sa manibela ang driver nga si Bantaculo.
Bangud sa impact sang pagkabunggo, natumba ang motorsiklo kag tumampilak sa dalan ang mga biktima.
Gindala pa ang mga biktima sa ospital apang gindeklarar nga dead on arrival sang attending physician si Dais.
