11 ka mga indibidwal nga sakay sang UV Express, patay matapos mabungguan sang truck

Patay ang 11 sa 13 ka pasahero sang UV Express matapos mabungguan sang truck ang ila salakyan sa Camalig, Albay.

Sa Facebook post ni alkalde Caloy Baldo sang Camalig, ginpahayag sini nga naglawig sang walo ka oras ang rescue and retrieval operation para sa mga biktima sang aksidente nga nagluntad sa bypass road sa Barangay Libod pasado alas 9:00 sang aga.

Nakalampuwas ang driver sang truck kag ang iya pasahero kag gindala sa ospital.

Nagaguha sa inisyal nga imbestigasyon sang kapulisan nga nadulaan sang preno ang truck kag nabungguan ang van rason nga nahulog ang duha ka salakyan sa creek.

Nagpalab-ot naman sang pagpakig-unong ang alkalde sa mga napatayan nga pamilya sang mga biktima.