Arestado ang isa ka soltero nga ginakabig nga Wanted Person sa Municipal Level matapos ginserbihan sang mandamiento de aresto sang mga kapulisan sang Dumangas, Iloilo.
Ginkilala ang akusado kay alyas “Jhon”, yara sa legal nga pang-edaron kag residente sang Barangay Barrio, Calinog, Iloilo.
Nahibaluan nga nagapangatubang sa kaso nga paglapas sa Republic Act 10883 ukon New Anti-Carnapping Act of 2016 si Jhon.
Ang warrant of arrest ang ginpapanaog kag ginpirmahan ni Presiding Judge Judith D Orendain-Tonogbanua sang Regional Trial Court, Branch 20, Mambusao Capiz nga napetsahan sadtong Nobyembre 4, 2024.
Ginrekomendar naman sang korte ang P300,000 nga piyansa para sa temporaryo sini nga kahilwayan.
Sa karon, yara na sa kustodiya sang Dumangas PNP si Jhon kag natalana nga i-turn over sa court of origin para sa nagakaigo sini nga disposisyon.
