-- ADVERTISEMENT --
ROXAS CITY – Temporaryo nga ginhunong sa karsel sang Roxas City Police Station ang isa ka 19-anyos nga lalaki matapos nga nagtuga sang kinagamo sa Kainan Village, Barangay Baybay, Roxas City.
Suno sa security guard nga si Jonny Baruela, 37 anyos sang Barangay Tanza Norte, Panay, Capiz nga nagpanawag ini sa mga kapulisan kag nagpalab-ot sang impormasyon nga nagatuga sang kinagamo ang suspek nga si John Patrick Higo, 19-anyos sang Barangay Milibili, sining siyudad.
Ginaalegar nga yara sa idalom sang impluwensiya sang makahulubog nga ilimnon ang suspek sa diin nagtuga ini sang kinagamo kag nagapangihi sa sulod sang kalan-an.
Bangud diri, ginpakamaayo na lamang sang mga staff nga patawgan sang pulis.
