ROXAS CITY – Ginpatigayon ang duha ka adlaw nga Annual Physical Fitness sa mga katapo sang kapulisan sa Capiz, sumugod Mayo 19 tubtob subong nga adlaw, Mayo 20.
Ini ang ginkumpirmar ni PMaj. Ruby Magallanes, tagpamaba sang Capiz Police Provincial Office, sang mainterview sang Bombo Radyo.
Suno diri, kabahin sa sini nga aktibidad amu ang pagtsekyar sang Body Mass Index (BMI) nga isa ka importante nga butang sa mga kapulisan nga mamentinar ang ila bug-at para sa ila pagpanerbisyo.
Ginpahayag nga may yara sang pulis nga sobra sa bug-at apang sulod sa gihapon sa Acceptable Weight Average matapos nga wala man ini magsobra sa 10 kilos sa iya normal weight.
Nahibaluan nga tuigan ini nga aktibidad sang kapulisan, kag sa karon nga hugna ginauna ang mga may kaadlawan sumugod Enero tubtob Hunyo, kag pagasundan sang masunod nga batch nga may kaadlawan sumugod Hulyo tubtob Disyembre.
