2 ka estudyante nga may kaso nga Slight Physical Injuries, arestado sa syudad sang Roxas

Arestado ang 2 ka estudyante nga may kaso nga Slight Physical Injuries matapos ginserbihan sang warrant of arrest sa Barangay Dayao, Roxas City.

Ginkilala ang arestado kay alyas “Geline”, minor de edad, kag alyas “Banjo”, 20-anyos kag lunsay mga estudyante  nga residente sang Barangay Libas, Roxas City.

Ang warrant of arrest ang gin-isyu kag ginpirmahan ni Hon. Aida Raissa T. Espinosa, Presiding Judge, Municipal Trial Court in Cities Branch 4, Roxas City kag napetsahan Marso 25, 2025.

Samtang, ginrekomendar sang korte ang P2,000.00 nga piyansa para sa temporaryo sini nga mga kahilwayan.

Sa karun, hilway na sa karsel ang amo nga mga persona matapos ini nga makapyansa.