ROXAS CITY – Padayon nga ginaayam sang mga kapulisan ang duha sa apat ka mga suspetsado sa pagtiro-patay kay Retired Master Sergeant Joniffer Borda.
Ginpahayag ni Police Master Sergeant Ramil Arcangeles, PIO sang Roxas City Police Station nga nagapabilin nga at-large ang duha ka mga suspek nga sanday certain Eric kag Ian.
Suno kay Arcangeles nga si Rogelio Padernal ang ginakabig nga master mind ukon nagplano sa pag hold up sa biktima samtang si certain Eric naman ang nagmaneho sang motorsiklo nga nagaduag itom sang natabo ang insidente.
Suno kay Arcangeles nga hold up gid lamang ang plano sang grupo apang ginpatay ini ni Onilan bangud sa kahadluk nga balikan ini sang biktima.
Dugang pa ni Arcangeles nga pagkatapos ang insidente, ginbilin sang mga suspetsado ang ginsakyan nga motorsiklo kag nagsakay sa van padulong sa banwa sang Pilar agud tungaon ang gintaban nga kuwarta.
