2 ka mga kawatan dakup sa akto nga nagpangawat sang semento kag kabilya

ROXAS CITY – Karsel ang ginsudlan sang duha ka mga kawatan matapos nadakpan sa akto nga nagpangawat sang sinako nga semento kag kabilya sa ginaconstruct nga gasoline station sa Pueblo de Panay sa Barangay Lawaan, sining syudad.

Ginkilala ang mga suspek nga sanday Christopher Fresnido 32-anyos sang Barangay San Roque, Dumalag, Capiz kag Ismael Barosa sang Barangay Lawaan, Roxas City.

Nahibaluan nga may nakakita sa pagsulod sang duha sa gina-construct nga gasoline station kag ang ila nga pagpangawat sang materyales nga ginagamit sa amo nga konstruksyon.