2 ka persona hilway na sa karsel matapos nga nakabayad sang pyansa sa kaso nga homicide sa banwa sang Maayon

ROXAS CITY – Ginhilway sa karsel sang Maayon Municipal Police Station ang duwa ka mga persona nga gin-aresto sa Brgy. Pob. Ilawod sang nasambit nga banwa matapos nga nakabayad sang pyansa nga P120,000 kada isa sa kaso nga homicide.

Ginkilala ang mga arestado nga sanday Oscar Dizon, 42-anyos kag Raul Ondillo, 49-anyos nga lunsay residente sang Brgy. West Villaflores sang amu man nga banwa.

Ang warrant of arrest ang ginpapanaog kag ginpirmahan ni Hon. Ignacio Alajar, presiding judge, RTC 6 judicial region, branch 18, Roxas City, Capiz napetsahan Abril 25, 2022.