ROXAS CITY – Pilason ang duha ka mga persona sa pagbungguanay sang duha ka mga motorsiklo sa Barangay Lawaan, Roxas City.
Ginkilala ang driver sang isa ka motorsiklo nga si Ferdinand Motus, 29 anyos sang Barangay Barangay Duyoc, Dao kag ang nagamaneho naman sang isa pa ka motorsiklo amo si Darwin Daradar, 22 anyos, kag sakay ang backrider nga si Romeo Demafilez Jr., 21 anyos, lunsay residente sang Crossing Jail, Barangay Lawaan, Roxas City.
Base sa nakuha nga impormasyon sang Bombo Radyo, samtang ginasubay ni Motus ang dalan sa nasambit nga lugar sakay sa iya motorsiklo, aksidente sini nga nakabungguan ang kasugata nga motorsiklo nga ginamaneho ni Daradar.
Lunsay natumba ang duha ka mga motorsiklo rason nga nakaangkon sang menor nga kasamaran sa lawas sanday Motus kag Demafilez nga gilayon gindapatan sang nagakaigo nga pagbulong.
Samtang nagpamalibad naman si Daradar nga magpadala sa ospital.
