21-anyos nga persona ginpakustodiya matapos ginaalegar nagatuga sang gamo kag nagapangguba sang mga kagamitan

ROXAS CITY – Ginpakustodiya sa Mambusao Municipal Police Station ang isa ka 21-anyos nga persona matapos nga ginaalegar nagatuga sang kinagamo sa Barangay Poblacion Proper, Mambusao, Capiz.

Ginkilala ang nasambit nga persona kay Romnick Cosepi sang nasambit nga lugar.

Nahibaluan nga ginturn-over ang suspek sang iya utod sa pulisya matapos nga ginaalegar nagatuga sang gamo sa ila panimalay kag nagapangguba pa sang mga kagamitan.

Ginapahayag nga yara sa idalom sang impluwensya sang makahulubog nga ilimnon ang amo nga persona.

Bangud diri, ginpakamaayo na lamang sang pamilya nga dal-on ini sa pulisya kag ipakustodiya.